జింబాబ్వే.. బంగ్లాదేశ్ ను చిత్తు చేస్తుందా..?
టీ20 ప్రపంచ కప్ లో జింబాబ్వే పాకిస్థాన్ ను కోలుకోలేని దెబ్బ కొట్టిన సంగతి తెలిసిందే..! ఇక జింబాబ్వే తర్వాతి టార్గెట్ బంగ్లాదేశ్ అని అంటున్నారు. పెద్దగా ప్రభావం చూపకుండా టోర్నీలో ముందుకు సాగుతున్న బంగ్లాదేశ్ ను ఎంతో ఆత్మవిశ్వాసంతో ఉన్న జింబాబ్వే నేడు తలపడుతూ ఉంది. పాకిస్తాన్‌పై అద్భుతమైన విజయం సాధించిన తర్వాత, జింబాబ్వే ఆదివారం (అక్టోబర్ 30) గబ్బాలో బంగ్లాదేశ్‌తో తలపడనుంది. జింబాబ్వేకు ఇది ఇప్పటివరకు గుర్తుండిపోయే టోర్నమెంట్. రౌండ్ 1లో స్కాట్లాండ్, ఐర్లాండ్‌లపై ఆకట్టుకునే విజయాలు సాధించి సూపర్ 12 దశలో స్థానం సంపాదించింది. దక్షిణాఫ్రికాతో మ్యాచ్ వర్షం కారణంగా రద్దవ్వడంతో చెరో పాయింట్ పంచుకున్నారు. టోర్నమెంట్‌లో ఇప్పటివరకు అత్యుత్తమ ప్రదర్శనతో ఆకట్టుకున్నారు. పాక్ ను సెమీస్ కు దాదాపు దూరం చేశారు. జింబాబ్వే కు కూడా సెమీస్ ఆశలు ఉన్నాయి. ఈరోజు బంగ్లాదేశ్ ను ఓడించి.. ఇతర జట్ల ఫలితాలపై జింబాబ్వే ఆధారపడి ఉంది.
