ప్రపంచ కప్ కు ముందు ఆస్ట్రేలియాకు ఊహించని షాక్.. పెద్ద రిస్క్

ప్రపంచ కప్ సూపర్-12 కు ముందు పలు జట్లను గాయాలు వెంటాడుతూ ఉన్నాయి. ఈ టోర్నీలో మొదటి మ్యాచ్ డిఫెండింగ్ ఛాంపియన్ ఆస్ట్రేలియా, రన్నరప్ న్యూజిలాండ్ మధ్య జరుగాల్సి ఉంది. ఈ మ్యాచ్ కు ముందు ఆస్ట్రేలియా జట్టుకు ఊహించని షాక్ తగిలింది. ఆ జట్టు యువ ఆటగాడు, వికెట్ కీపర్ జోష్ ఇంగ్లిస్ గాయపడ్డాడు. గోల్ఫ్ ఆడుతూ ఇంగ్లిస్ గాయపడటంతో అతడిని ఆస్పత్రికి తరలించారు. ఇంగ్లిస్.. బుధవారం ఉదయం గోల్ఫ్ ఆడుతూ గాయపడ్డాడు. గాయాన్ని పరిశీలించిన వైద్యులు అది తీవ్రమైందని తేల్చారు. దీంతో ఈనెల 22న ఆ జట్టు న్యూజిలాండ్ తో జరిగే మ్యాచ్ లో ఇంగ్లిస్ దూరం కానున్నాడని ఆస్ట్రేలియా తెలిపింది. ఆస్ట్రేలియా జట్టులో రెగ్యులర్ వికెట్ కీపర్ మాథ్యూ వేడ్ ఉన్నా అతడికి స్టాండ్ బై గా ఇంగ్లిస్ ను ఎంపిక చేశారు.