Chamipions Trophy : మోత మోగించే వారేరీ? అనుమానాలన్నీ వారివైపే?

ఈ గణాంకాలు చూసిన వారికి ఎవరికైనా నమ్మకం ఎలా ఉంటుంది? దీనికి ప్రధాన కారణం వన్డే మ్యాచ్ లలో సరైన ప్రాక్టీస్ లేకపోవడమేనని, అలాగే మిగిలిన దేశాల తరహాలో అతి తక్కువ గా ఆడారు. మిగిలిన దేశాలు టీ20 తో పాటు టెస్ట్, వన్డే మ్యాచ్ లు సమానంగా ఆడగా, టీం ఇండియా మాత్రం కేవలం టీ20పైనే ఫోకస్ పెట్టింది. ఐపీఎల్ తో పాటు టీ20 ఫార్మాట్ లలో దుమ్మురేపుతున్న టీం ఇండియా టెస్ట్ మ్యాచ్ లలో, వన్డే మ్యాచ్ లలో మాత్రం సరిగా రాణించలేకపోతుంది. దూకుడుగా ఆడలేకపోతుంది. అన్ని ఫార్మాట్లకు టీం ఇండియా స్క్కాడ్ వేరు అయినా సీనియర్ ఆటగాళ్లు గతంలో ఉన్నారన్న భరోసా ఉండేది. కానీ ఇప్పుడు మాత్రం అది మచ్చుకైనా కనిపించడం లేదు.

గ్రూప్ ఏ లో ఉన్న బంగ్లాదేశ్, న్యూజిలాండ్, పాకిస్థాన్ తో ఆటంటే ఆషామాషీ కాదు. ఈ దేశాల ఆటగాళ్లను అంత తేలిగ్గా తీసుకునే వీలులేదు. ఒక్కసారి క్రీజులో నిలబడి బ్యాట్ కు పనిచెప్పారంటే బౌలర్ల పనిపడతారు. ప్రధానంగా మనోళ్లు అన్ని మ్యాచ్ లు దుబాయ్ లోనే ఆడుతున్నారు. అక్కడి మైదానాలన్నీ నెమ్మదిగా ఉంటాయని, ఎక్కువ పరుగులు చేయడం కష్టంగా మారుతుందని క్రీడానిపుణులు చెబుతున్నారు. ఇక్కడ టాస్ గెలిచిన జట్లు ఎక్కువసార్లు గెలిచాయి. పథ్నాలుగు సార్లు తొలిసారి బ్యాటింగ్ చేసిన జట్లు గెలిస్తే, 19 సార్లు ఛేదనలోకి దిగిన జట్లు ఓటమి పాలయ్యాయి. అంటే ఇక్కడ టాస్ గెలిచిన జట్లు తొలుత బ్యాటింగ్ ను ఎంచుకోవడం మామూలు విషయం. ఇలా అన్ని కలసి వస్తేనే మనకు శుభారంభం. లేకుంటే సెమీస్ కు కూడా వెళ్లడం కష్టమే. అందుకే ఆచితూచి... ఒళ్లు దగ్గర పెట్టుకుని ఆడాల్సి ఉంటుందని క్రీడానిపుణులు హెచ్చరిస్తున్నారు. ఏది ఏమైనా టీం ఇండియా వరస గెలుపుతో ఛాంపియన్ గా నిలవాలని ఆశిద్దాం. ఆల్ ది బెస్ట్ టీం ఇండియా.