ఈ ప్రపంచ కప్ లో సెమీఫైనల్ చేరే జట్లు ఇవే అంటున్న యువరాజ్

భారత మాజీ ఆల్‌రౌండర్‌ యువరాజ్‌ సింగ్‌ ఈ ప్రపంచ కప్ లో ఏయే జట్లు సెమీఫైనల్ చేరుతాయో అంచనా వేశాడు. తనకు తెలిసి నాలుగు సెమీ-ఫైనలిస్టులకు సంబంధించి కీలక ప్రకటన చేశాడు యువరాజ్ సింగ్. సెమీ-ఫైనల్ చేరుకునే జట్లలో దక్షిణాఫ్రికా ఉంటుందని అనుకుంటున్నానన్నాడు యువీ. భారత్, ఆస్ట్రేలియా, న్యూజిలాండ్ , ఇంగ్లాండ్ జట్లు కూడా సెమీస్ చేరే అవకాశం ఉందని చెప్పుకొచ్చాడు యువరాజ్. "ఇండియా, ఆస్ట్రేలియా జట్లు సెమీఫైనల్స్ చేరుకుంటాయని అనుకుంటున్నానన్నారు యువరాజ్ సింగ్. ప్రపంచ కప్‌లో ఎప్పుడూ ఏదో ఒక అప్‌సెట్ జరుగుతూ ఉంటుంది కాబట్టి నేను ఐదు జట్లను ఎంచుకుంటాను. భారత్, ఆస్ట్రేలియా, న్యూజిలాండ్, ఇంగ్లండ్ జట్లు మాత్రమే కాకుండా దక్షిణాఫ్రికా కు కూడా అవకాశాలు ఉంటాయని భావిస్తున్నాను. ఆ జట్టుకు వైట్ బాల్ ట్రోఫీ అవసరం " అని యువరాజ్ సింగ్ చెప్పుకొచ్చాడు.