పాకిస్థాన్ క్రికెట్ టీమ్ కు వీసాలొచ్చేశాయి

పాకిస్థాన్ క్రికెట్ జట్టుకు, టీమ్ మేనేజ్ మెంట్ కు భారత్ వీసాలను మంజూరు చేసింది. సెప్టెంబర్ 27వ తేదీ రాత్రి దుబాయ్ మీదుగా పాక్ జట్టు భారతదేశానికి రానుంది. దుబాయ్ నుంచి డైరెక్ట్ గా హైదరాబాద్ కు చేరుకోనుంది. భారత్ వీసాలను మంజూరు చేయకపోవడంతో ఐసీసీకి పాక్ క్రికెట్ బోర్డు లేఖ రాసింది. ప్రపంచకప్ సమయంలో పాకిస్థాన్ పట్ల భారత్ వ్యవహరిస్తున్న తీరు దారుణంగా ఉందని లేఖలో పీసీబీ ఆరోపించింది. 29వ తేదీన హైదరాబాద్ లో ప్రాక్టీస్ మ్యాచ్ ఉన్న సమయంలో కూడా ఇంత వరకు వీసాలు మంజూరు చేయలేదని పాక్ చెప్పడంతో భారత్ వీసాలను మంజూరు చేసింది.