వన్డే క్రికెట్ లో ప్రపంచ రికార్డు బాదిన ఇంగ్లండ్.. 498 పరుగుల భారీ స్కోర్

జేసన్ రాయ్ వెనుదిరిగినా.. ఫిలిప్ సాల్ట్ కు డేవిడ్ మలాన్ తోడయ్యాడు. మలాన్ 109 బంతుల్లో 125 పరుగులు చేయగా.. సాల్ట్ 93 బంతుల్లో 122 పరుగులు చేశాడు.ఇక ఐపీఎల్ లో అద్భుతమైన ప్రదర్శన చేసిన బట్లర్.. అదే ఊపులో భారీ ఇన్నింగ్స్ ఆడాడు. 70 బంతుల్లో 162 పరుగులు చేశాడు. ఇందులో 14 సిక్సర్లు ఉన్నాయి. ఇక మోర్గాన్ గోల్డెన్ డకౌట్ గా వెనుదిరగగా.. ఆఖర్లో లివింగ్స్టన్ ఊచకోత కోశాడు. 22 బంతుల్లో 66 పరుగులు చేశాడు. అందులో 6 సిక్సర్లు, 6 ఫోర్లు ఉన్నాయి. నిర్ణీత 50 ఓవర్లలో 498 పరుగులు చేసి 500 పరుగులకు 2 పరుగుల దూరంలో నిలిచిపోయింది ఇంగ్లండ్. ఈ ఇన్నింగ్స్ తో వన్డే క్రికెట్ లో అత్యధిక స్కోరు సాధించిన జట్టుగా ఇంగ్లండ్ రికార్డు సాధించింది.