డబ్ల్యూడబ్ల్యూఈ సూపర్ స్టార్ కన్నుమూత

వరల్డ్ రెజ్లింగ్ ఎంటర్టైన్ మెంట్ లో తీవ్ర విషాదం నెలకొంది. స్టార్ రెజ్లర్ బ్రే వ్యాట్ కన్నుమూశాడు. ఎన్నో అద్భుతమైన మ్యాచ్ లలో భాగమైన వ్యాట్.. 36 సంవత్సరాల వయసులోనే కన్నుమూశాడు. గతంలో ఎంతో మంది డబ్ల్యూడబ్ల్యూఈ సూపర్ స్టార్స్ చిన్న వయసులో చనిపోయారు. ఇప్పుడు డబ్ల్యూడబ్ల్యూఈ సూపర్ స్టార్ బ్రే వ్యాట్ కన్నుమూయడం డబ్ల్యూడబ్ల్యూఈ అభిమానులు జీర్ణించుకోలేకపోతున్నారు. గతకొంత కాలంగా గుండె సమస్యలతో బాధపడుతున్న వ్యాట్‌ గురువారం రాత్రి హార్ట్ ఎటాక్ రావడంతో చనిపోయాడని డబ్ల్యూడబ్ల్యూఈ సీఈవో ట్రిపుల్ హెచ్ ధృవీకరించారు. "డబ్ల్యూడబ్ల్యూఈ హాల్ ఆఫ్ ఫేమర్ మైక్ రొటుండా నుంచి ఇప్పుడే కాల్ వచ్చింది. డబ్ల్యూడబ్ల్యూఈ కుటుంబ సభ్యుడైన విండామ్ రొటుండా అలియాస్ బ్రే వ్యాట్ మరణించినట్లు చెప్పారు. ఆ కుటుంబానికి ప్రగాఢ సానుభూతి. ఈ సమయంలో ఆ కుటుంబానికి కావాల్సిన ప్రైవసీ ఇవ్వండి" అని ట్రిపుల్ హెచ్ ట్వీట్ చేశారు.