బ్రతికే ఉన్నా: హీత్ స్ట్రీక్

జింబాబ్వే జట్టు అద్భుతంగా ఆడుతున్న సమయంలో హీత్ స్ట్రీక్ ఆల్ రౌండర్ ఆటతీరు జట్టుకు గొప్ప విజయాలను అందించింది. 2000-2004 కాలంలో గొప్ప క్రికెటర్లలో ఒకరైన స్ట్రీక్, 65 టెస్టులు, 189 వన్డేలు ఆడాడు. జింబాబ్వే తరపున 100 టెస్ట్ వికెట్లు తీసిన ఏకైక ఆటగాడిగా నిలిచాడు. దాదాపు 12 సంవత్సరాల సుదీర్ఘ కెరీర్ అతడి సొంతం. ప్రధానంగా అతని బౌలింగ్ నైపుణ్యాలకు ప్రసిద్ధి చెందినప్పటికీ.. స్ట్రీక్ జట్టు మిడిల్ ఆర్డర్‌లో బ్యాట్‌తో కూడా అద్భుతమైన సహకారం అందించేవాడు. అతని కెరీర్‌లో మొత్తం 1990 టెస్ట్ పరుగులు, వన్డే కెరీర్ లో 2943 పరుగులు చేశాడు. అతను వెస్టిండీస్‌పై హరారేలో తన మొదటి, ఏకైక టెస్టు సెంచరీ (127*) సాధించాడు. హీత్ 1993లో పాకిస్తాన్‌పై అరంగేట్రం చేశాడు. 2005లో రిటైర్మెంట్ తీసుకున్నాడు. 2007లో ఇండియన్ క్రికెట్ లీగ్ (ICL) కూడా ఆడాడు. స్ట్రీక్ కోచింగ్ కెరీర్‌లో జింబాబ్వే, స్కాట్లాండ్, బంగ్లాదేశ్, గుజరాత్ లయన్స్, కోల్‌కతా నైట్ రైడర్స్‌లకు సేవలు అందించాడు.