సంచలన నిర్ణయం తీసుకున్న సాక్షి మాలిక్

2016 రియో ​​ఒలింపిక్స్ కాంస్య పతక విజేత సాక్షి మాలిక్ రెజ్లింగ్ ఫెడరేషన్ ఆఫ్ ఇండియా అధ్యక్షుడిగా సంజయ్ సింగ్ ఎన్నికైన తర్వాత రెజ్లింగ్‌ను విడిచిపెడుతున్నట్లు ప్రకటించారు. తాను రెజ్లింగ్ క్రీడ‌ను వ‌దిలేస్తున్న‌ట్లు చెప్పారు. బ్రిజ్ భూష‌ణ్ కు వ్యతిరేకంగా 40 రోజుల‌ పాటు రోడ్ల‌పై ధ‌ర్నా చేప‌ట్టామ‌ని, ఆ సమయంలో త‌మ‌కు దేశ‌వ్యాప్తంగా ప్ర‌జ‌లు అండ‌గా నిలిచార‌ని తెలిపారు. ఎన్నికల్లో బ్రిజ్ భూష‌ణ్ బిజినెస్ అనుచరుడు విజ‌యం సాధించార‌ని.. అందుకే తాను రెజ్లింగ్ క్రీడ‌ను వదిలేస్తున్న‌ట్లు సాక్షీ మాలిక్ వెల్ల‌డించారు. "మేము 40 రోజులు రోడ్లపై పడుకున్నాము. దేశంలోని అనేక ప్రాంతాల నుండి చాలా మంది ప్రజలు మాకు మద్దతుగా వచ్చారు. బ్రిజ్ భూషణ్ సింగ్ వ్యాపార భాగస్వామి సన్నిహితుడు WFI అధ్యక్షుడిగా ఎన్నికయ్యాడు అందుకే, నేను రెజ్లింగ్‌ను విడిచిపెట్టాను" అని ఆమె చెప్పుకొచ్చారు. టోక్యో ఒలింపిక్స్ పతక విజేత బజరంగ్ పునియాతో కలిసి మీడియాతో మాట్లాడారు సాక్షి మాలిక్. మీడియా స‌మావేశం నుంచి సాక్షి మాలిక్ కంటతడి పెట్టుకుంటూ బ‌య‌ట‌కు వెళ్లిపోయారు.