ఐసీసీ ర్యాంకింగ్స్: 2019 తర్వాత ఇదే తొలిసారి

మంచి ఫామ్ లో ఉన్న గిల్.. ఈ ఏడాది 1000 పరుగులకు చేరువలో ఉన్నాడు. ప్రస్తుతం 16 మ్యాచ్ లలో 64.51 సగటుతో 904 పరుగులు చేశాడు. ఇక కెప్టెన్ రోహిత్ శర్మ 8వ స్థానంలో , విరాట్ కోహ్లి 9వ ర్యాంకులో ఉన్నారు. ఈ ఇద్దరూ రెండేసి స్థానాలు పైకి ఎగబాకారు. రోహిత్ నేపాల్, పాకిస్థాన్ తోపాటు శ్రీలంకపైనా హాఫ్ సెంచరీలు చేశాడు. విరాట్ కోహ్లి శ్రీలంకపై విఫలమైనా.. పాకిస్థాన్ తో మ్యాచ్ లో సెంచరీ చేశాడు. ఆ మ్యాచ్ లో 94 బంతుల్లోనే 122 రన్స్ చేసిన విరాట్, వన్డేల్లో 47వ సెంచరీ నమోదు చేశాడు. ఆసియా కప్ సూపర్-4 లో భారత్ అద్భుతంగా రాణించింది. ఆసియా కప్ ఫైనల్ కు చేరుకుంది. ఈ టోర్నమెంట్ ముగిసిన తర్వాత భారత్ ప్రపంచ కప్ కోసం పోరాడనుంది. భారత్ లో నిర్వహించనున్న ఈ టోర్నమెంట్ లో భారత్ టైటిల్ ను ముద్దాడుతుందని అభిమానులు ఎంతో నమ్మకంతో ఉన్నారు.