భారత్ ను విడిచి వెళ్ళిపోయిన జైనాబ్ అబ్బాస్

పాకిస్థాన్ టీవీ ప్రెజెంటర్ జైనాబ్ అబ్బాస్ గతంలో చేసిన వివాదాస్పద ట్వీట్ల కారణంగా ఆమె భారత్ ను తిరిగి వెళ్లాల్సి వచ్చింది. భారత్ లో జరుగుతున్న ప్రపంచ కప్ కు జైనాబ్ అబ్బాస్ ను ప్రెజెంటర్ గా ఎంపిక చేశారు. అయితే ఆమె గతంలో చేసిన ట్వీట్లు ఆమెను వెంటాడాయి. భారతదేశాన్ని, హిందూ మతాన్ని విమర్శిస్తూ ఆమె చేసిన పాత ట్వీట్‌ల కారణంగా ఆమెను దేశం విడిచి వెళ్లవలసిందిగా కోరారు. జైనాబ్ అబ్బాస్ ప్రస్తుతం దుబాయ్‌లో ఉన్నట్లు సమాచారం. వినీత్ జిందాల్ అనే భారతీయ న్యాయవాది 35 ఏళ్ల జైనాబ్ పై కొన్ని సంవత్సరాల క్రితం ఆమె చేసిన కొన్ని హిందూ వ్యతిరేక ట్వీట్ల కారణంగా పోలీసులకు ఫిర్యాదు చేశారు. దీంతో ఆమె భారత్ లో ఉండడం కంటే విడిచిపెట్టడమే బెటర్ అని భావించారు. అధికారులు ఆమెను పాకిస్థాన్ కు పంపించారు.