ఇంత జరుగుతూ ఉన్నా కూడా ఒప్పుకోని రోహిత్ శర్మ

భారత జట్టు మరో టీ-20 సిరీస్ ను నెగ్గింది. అది కూడా దక్షిణాఫ్రికా మీద స్వదేశంలో ఇప్పటి వరకూ సిరీస్ గెలవలేదు. ఆ ముచ్చట కూడా తీరిపోయింది. అయితే భారత్ ను విపరీతంగా కలవరపెడుతున్న అంశం డెత్ ఓవర్లలో సరిగా బౌలింగ్ వేయలేకపోతూ ఉండడం. ఇప్పటికే ఆసియా కప్ నిష్క్రమణకు కారణమైంది డెత్ ఓవర్లలో బౌలింగ్ సరిగా వేయకపోవడం. అలాగే ఆస్ట్రేలియా సిరీస్ లో కూడా డెత్ ఓవర్లలో ఎంతో చెత్తగా బౌలింగ్ వేస్తూ వస్తున్నారు. ఎంతో అనుభవం ఉన్న భువనేశ్వర్ కుమార్ నుండి.. యువ కెరటం అర్షదీప్ సింగ్ దాకా ఇదే తరహాలో బౌలింగ్ వేస్తూ వస్తున్నారు. ఇది ఎంతో కలవరపెట్టే అంశం. దక్షిణాఫ్రికాతో సిరీస్ లో ఇంకొక్క టీ20 మ్యాచ్ మాత్రమే ఉంది.. ఆ తర్వాత టీ20 వరల్డ్ కప్ కు వెళుతోంది భారత్. అక్కడ ఏ మాత్రం తేడా కొట్టినా బయటకు వచ్చేయాల్సిందే.. ఎంతో మంది అభిమానులకు నిరాశ తప్పదు.