రోహిత్ శర్మ ఫ్యాన్స్ కు గుడ్ న్యూస్
జూలై 1న ప్రారంభమైన టెస్ట్ కు ముందు రోహిత్ కు మూడుసార్లు కరోనా పరీక్షలు చేసినా.. కరోనా పాజిటివ్ వచ్చాడు.
టీమిండియా కెప్టెన్ రోహిత్ శర్మ ఫ్యాన్స్ కు గుడ్ న్యూస్. రోహిత్ కరోనా నుంచి కోలుకున్నాడు. తాజాగా నిర్వహించిన కోవిడ్ పరీక్షలో రోహిత్ కు నెగెటివ్ వచ్చింది. దీంతో ప్రాక్టీస్ కోసం రోహిత్ గ్రౌండ్ లో అడుగుపెట్టాడు. భారీ షాట్లతో పాటు, డిఫెన్సివ్ షాట్లను రోహిత్ ప్రాక్టిస్ చేశాడు. రోహిత్ ప్రాక్టీస్ చేస్తున్న వీడియోను బీసీసీఐ ట్విట్టర్ ద్వారా షేర్ చేసింది. కరోనా నుంచి నుంచి కోలుకున్న రోహిత్ శర్మ నెట్స్ లో ఉన్నాడని బీసీసీఐ చెప్పింది. లీసెష్టర్ షైర్ తో టీమిండియా ప్రాక్టీస్ మ్యాచ్ ఆడుతున్న సమయంలో రోహిత్ కు కరోనా పాజిటివ్ గా నిర్ధారణ అయింది. ఆ మ్యాచ్ రెండో ఇన్నింగ్స్ లో రోహిత్ బ్యాటింగ్ కు దిగలేదు. కరోనా నుంచి కోలుకోవడంతో ఈ నెల 7 నుంచి ఇంగ్లండ్ తో జరిగే తొలి టీ20కు రోహిత్ కెప్టెన్ గా వ్యవహరించనున్నాడు. ఇంగ్లండ్ తో మూడు టీ20లు, మూడు వన్డేలను టీమిండియా ఆడబోతోంది.
