India Vs England : ఒకరు కాకుంటే.. మరొకరు.. వాళ్లు కాకపోతే ఇంకొకరు ఇదీ టీం ఇండియా సత్తా

భారత్ - ఇంగ్లండ్ మధ్య జరిగిన రెండో టీ 20 మ్యాచ్ లో చివరకు ఇండియాదే విజయం అయింది. ఉత్కంఠ పోరులో విజయం సాధించిన భారత్ ను మన తెలుగు కుర్రోడు తిలక్ వర్మ ఆదుకున్నాడు. చెన్నై చెపాక్ స్టేడియంలో నిన్న జరిగిన మ్యాచ్ ఆద్యంతం ఉత్కంఠ భరితంగా సాగింది. తొలి మ్యాచ్ లో బ్యాట్ విదిలించిన వాళ్లంతా అవుట్ కావడంతో ఇక ఇండియా పని అయిపోయిందని, ఓటమి ఖాయమని భావించి టీవీలను కూడా క్రికెట్ ఫ్యాన్స్ ఆఫ్ చేసుకున్నారు. కానీ ఒకరు కాకుంటే.. మరొకరు.. వాళ్లు కాకుంటే.. ఇంకొకరు అన్నట్లుగా టీం ఇండియాను తిలక్ వర్మ గెలుపుతీరాలకు చేర్చాడు. దీంతో భారత్ - ఇంగ్లండ్ ల మధ్య జరిగే ఐదు టీ 20 సిరీస్ లలో భారత్ రెండు మ్యాచ్ లలో విజయం సాధించి పైచేయి తమదేనని మీసం మెలేసింది.