సెంచరీలు చేశారు.. వికెట్లు పారేసుకున్నారు

శ్రేయాస్ అయ్యర్ 86 బంతుల్లో సెంచరీ చేశాడు. కెరీర్‌లో అతనికి మూడో శతకం. సెంచరీ తర్వాత ఫోర్ కొట్టిన అయ్యర్ ఆ తర్వాత 105 పరుగులు చేసి ఔటయ్యాడు. సూపర్ ఫామ్ లో ఉన్న గిల్ కూడా సెంచరీ చేశాడు. 50 ఓవర్ల ఫార్మాట్‌లో గిల్‌కు ఇది ఆరో సెంచరీ. 92 బంతుల్లో సెంచరీ చేశాడు. ఆ తర్వాత ఔటయ్యాడు. శ్రేయాస్ అయ్యర్ అబాట్ బౌలింగ్ లో అవుట్ అవ్వగా.. గిల్ గ్రీన్ బౌలింగ్ లో పెవిలియన్ బాట పట్టాడు. ఈ మ్యాచ్‌లో ఆస్ట్రేలియా టాస్ నెగ్గి బౌలింగ్‌ ఎంచుకుంది. ఆ జట్టు కెప్టెన్ పాట్ కమిన్స్ మ్యాచ్‌కు దూరమవ్వడంతో.. అతని స్థానంలో స్టీవ్ స్మిత్ కెప్టెన్‌ గా బాధ్యతలు చేపట్టాడు. మిచ్ మార్ష్ కూడా దూరంగా ఉండగా.. పేసర్ స్పెన్సర్ జాన్సన్‌ అరంగేట్రం చేశాడు. భారత జట్టులో బుమ్రా స్థానంలో ప్రసిధ్ కృష్ణ తుది జట్టులోకి వచ్చాడు.