గాయంతో గ్రౌండ్ నుండి వెళ్ళిపోయిన హార్దిక్

వరల్డ్ కప్లో భాగంగా బంగ్లాదేశ్తో జరుగుతున్న మ్యాచులో టీమిండియాకు ఊహించని షాక్ తగిలింది. ఆల్ రౌండర్ హార్దిక్ పాండ్యాకు గాయం కావడంతో నొప్పితో మైదానాన్ని వీడాడు. ఈ మ్యాచులో హార్దిక్ పాండ్యా బౌలింగ్ వేసేందుకు వచ్చాడు. తొలి ఓవర్ మూడో బంతి వేయగా.. ఈ బంతిని లిటన్ దాస్ స్ట్రైట్ డ్రైవ్ ఆడాడు. దానిని కాలితో ఆపేందుకు పాండ్యా ప్రయత్నించాడు. బంతి కాలి మడమకు బలంగా తాకింది. దీంతో పాండ్యా నొప్పితో విలవిల్లాడాడు. పాండ్యా మైదానాన్ని వీడటంతో కోహ్లీ ఆ ఓవర్ ను పూర్తి చేశాడు. ప్రస్తుతం పాండ్యాకు గాయం కావడంతో అభిమానులు ఆందోళనకు గురవుతున్నారు. అతడి గాయంపై బీసీసీఐ ఓ ప్రకటనను విడుదల చేసింది. హార్దిక్ పాండ్యాకు స్కానింగ్ లు చేయిస్తున్నామని బీసీసీఐ తెలిపింది. హార్దిక్ ఆరోగ్యంపై మరిన్ని వివరాలు తెలియాల్సి ఉంది.