ఐపీఎల్ ఫైన‌ల్ మ్యాచ్‌.. టైటిల్‌ పోరుకు సిద్ధ‌మైన చెన్నై, గుజరాత్

ఐపీఎల్ 2023 ఫైనల్ మ్యాచ్ ఆదివారం గుజరాత్ టైటాన్స్, చెన్నై సూపర్ కింగ్స్ జ‌ట్ల మధ్య జరగనుంది. అహ్మదాబాద్‌లోని నరేంద్ర మోదీ స్టేడియంలో ఈ మ్యాచ్ జరగనుంది. ఎంఎస్ ధోనీ సారథ్యంలోని సీఎస్‌కే ఐదో టైటిల్ కోసం.. హార్దిక్ నేతృత్వంలోని గుజరాత్ టైటాన్స్ ఐపీఎల్ ట్రోఫీని కాపాడుకునేందుకు రంగంలోకి దిగనున్నాయి. ఇలాంటి పరిస్థితుల్లో ఇరు జట్ల మధ్య ఉత్కంఠభరితమైన పోరు జరగనుంది. ఈ మ్యాచ్‌ ప్రారంభానికి ముందు ఇక్కడి పిచ్‌, ఈ మ్యాచ్‌లో టాస్‌ పాత్రపై ఓ లుక్కేద్దాం. అహ్మదాబాద్ ఈ సీజన్‌లో హై స్కోరింగ్ వేదికగా నిలిచింది. ఇక్క‌డ జ‌రిగిన‌ ఎనిమిది మ్యాచ్‌ల్లో మొదటి ఇన్నింగ్స్‌ల‌లో 193 సగటుతో పరుగులు చేశాయి జ‌ట్లు. ఇందులో ఐదు మ్యాచ్‌ల్లో తొలుత బ్యాటింగ్ చేసిన జట్లే గెలుపొందాయి.