KL Rahul: అడ్డంగా ఇరుక్కుపోయిన కేఎల్ రాహుల్‌

వచ్చే నెలలో జరగనున్న టీ20 ప్రపంచకప్ తర్వాత రాహుల్ ద్రవిడ్ కాంట్రాక్ట్‌ను పునరుద్ధరించడం లేదు భారత క్రికెట్ కంట్రోల్ బోర్డు (బీసీసీఐ). భారత తదుపరి ప్రధాన కోచ్ కోసం వేట కొనసాగుతోంది. ఈ పదవికి సంబంధించి హై-ప్రొఫైల్ పేర్లు వినిపిస్తూ ఉన్నాయి. టీమిండియా హెడ్ కోచ్ రేసులో ఉన్న వ్యక్తుల్లో ఒకరైన ఆస్ట్రేలియా మాజీ క్రికెటర్ జస్టిన్ లాంగర్ సంచలన వ్యాఖ్యలు చేశాడు. టీమిండియా హెడ్ కోచ్‌గా రాజకీయాలు, ఒత్తిళ్లు ఎదుర్కోవాల్సి ఉంటుందని తెలిపాడు. ఐపీఎల్-2024 సమయంలో ఈ మేరకు కేఎల్ రాహుల్‌తో ఈ విషయం గురించి తాను మాట్లాడానని లాంగర్ వివరించాడు. ఐపీఎల్‌ కోచ్‌తో పోల్చితే టీమిండియా హెడ్‌ కోచ్‌‌‌గా 1000 రెట్ల కంటే ఎక్కువ రాజకీయాల్ని ఎదుర్కోవాల్సి ఉంటుందంటూ రాహుల్ చెప్పాడని అన్నాడు.