న్యూజిలాండ్ పై నెగ్గలేకపోయిన ఆఫ్ఘన్

చెన్నై వేదికగా సాగిన ఆఫ్ఘనిస్థాన్-న్యూజిలాండ్ మ్యాచ్ లో ఎటువంటి అద్భుతం జరగలేదు. ఏకంగా 149 పరుగులతో కివీస్ విజయాన్ని అందుకుంది. 289 పరుగుల లక్ష్యఛేదనతో బ్యాటింగ్ మొదలెట్టిన ఆఫ్ఘాన్ 34.4 ఓవర్లలో 139 పరుగులకే ఆలౌట్ అయ్యింది. రెహ్మనుల్లా గుర్భాజ్ 11, ఇబ్రహీం జాద్రన్ 14, హస్మతుల్లా షాహిదీ 8 పరుగులు చేసి అవుట్ కావడంతో 43 పరుగులకే 3 వికెట్లు కోల్పోయి కష్టాల్లో పడింది ఆఫ్ఘన్ జట్టు. రెహ్మత్ షా, అజ్మతుల్లా ఓమర్‌జాయ్ కలిసి నాలుగో వికెట్‌కి 54 పరుగులు జోడించారు. రెహ్మత్ షా 36, అజ్మతుల్లా ఓమర్‌జాయ్ 27, మహ్మద్ నబీ 7 , రషీద్ ఖాన్ 8, ముజీబ్ 4 చేసి అవుట్ అయ్యారు. నవీన్ ఉల్ హక్, ఫజల్ హక్ ఫరూకీ డకౌట్ కావడంతో ఆఫ్ఘన్ ఇన్నింగ్స్‌ కు తొందరగానే తెరపడింది. శాంట్నర్, లోకీ ఫెర్గుసన్ మూడేసి వికెట్లు తీశారు.