Chamipions Trophy : సొంత గడ్డపై పాక్ కు చేదు అనుభవం.. కోలుకోలేని పాక్

బ్యాటింగ్ కు దిగిన కాన్వే అవుటయినా యంగ్ అలాగే నిలబడి సెంచరీ సాధించాడు. 107 పరుగులు చేసిన తర్వాత అవుటయ్యాడు. విలియమ్సన్స్ కూడా వెంటనే అవుట్ కావడంతో తర్వాత లేథమ్ వచ్చి సెంచరీ పూర్తి చేశాడు. మొత్తం 118 పరుగులు చేశాడు. సిక్సర్లు, ఫోర్లతో మైదానాన్ని ఒక ఆటాడుకున్నాడు. తర్వాత ఫిలిప్స్ కూడా 61 పరుగులు చేసి జట్టుకు భారీ స్కోరు అందించాడు. 320 పరుగులు అంటే ఊదేదాద్దామనుకున్న పాక్ బ్యాటర్లను న్యూజిల్యాండ్ బౌలర్లు కట్టడి చేయగలిగారు. ఒరూర్క్ మూడు వికెట్లు తీసి మ్యాచ్ పై వత్తిడి పెంచాడు. తర్వాత శాటర్న్ కూడా తన బంతితో మాయ చేసి మూడు వికెట్లు తీసి పాక్ ఆటగాళ్లను పెవిలియన్ బాట పట్టించాడు. హెన్నీ రెండు వికెట్లు తీశాడు.

321 పరుగుల లక్ష్యంతో బరిలోకి దిగిన పాక్ ఆదిలోనే వికెట్లు కోల్పోతూ తడబడింది. షకీల్ రెండు పరుగులకే అవుటయ్యాడు. రిజ్వాన్ ఆరు పరుగులు చేసి అవుటయ్యాడు. ఫకార్ ఉన్నాడులే అనుకుంటే ఇరవై నాలుగు పరుగులకే అవుటయ్యాడు. బాబర్ ఒక్కడే అరవై నాలుగు పరుగులు చేసి పరవాలేదని పించాడు. మిగిలిన ఆటగాళ్లలో సల్మాన్ కాసేపు బ్యాట్ తో ఆటాడుకున్నప్పటికీ ఫలితం లేకుండా పోయింది. వికెట్లు అందిపుచ్చుకున్న న్యూజిలాండ్ విజయం అప్పటికే ఖాయమయింది. ఇక వరస పెట్టి అవుటవుతూనే ఉన్నారు. చివరిలోకుష్ దిల్ షా కుదురుకోవడంతో కొంత ఊపు కనిపించినా అప్పటికే రన్ రేటు పెరిగింది. 60 పరుగులు చేసి ఒత్తిడితో వెనుదిరిగాడు. 47.2 ఓవర్లలోనే ఆల్ అవుట్ అయి పాక్ సొంత మైదానంలో విమర్శలు ఎదుర్కొంది.