పూరన్ వీర విహారం.. టైటిల్ నెగ్గిన ముంబై ఇండియన్స్

మొదట బ్యాటింగ్ చేసిన ఆర్క్స్ జట్టు 20 ఓవర్లలో 9 వికెట్ల నష్టానికి 183 పరుగులు చేసింది. ఆర్క్స్ జట్టులో డికాక్ అద్భుతంగా ఆడాడు. 52 బంతుల్లో 87 పరుగులతో టాప్ స్కోరర్ గా నిలిచాడు. మిగిలిన వాళ్ళెవరూ పెద్దగా రాణించలేకపోయారు. ఇక లక్ష్య ఛేదనలో ముంబై ఎక్కడా తడబడలేదు. మొదటి ఓవర్ లో స్టీవెన్ టేలర్ డకౌట్ గా వెనుదిరిగినా.. పూరన్ మాత్రం సిక్సర్లతో చెలరేగిపోయాడు. 55 బంతుల్లో 137 పరుగులు చేశాడు. అతడి ఇన్నింగ్స్ లో 13 సిక్సర్లు ఉన్నాయి. పూరన్ విజృంభణతో భారీ లక్ష్యం చిన్నదైపోయింది. ఇంకా నాలుగు ఓవర్లు మిగిలి ఉండగానే ముంబై విజయాన్ని అందుకుంది. అమెరికా లో మొదటిసారి నిర్వహించిన ఈ టోర్నమెంట్ ను ముంబై ఇండియన్స్ ఫ్రాంచైజీ గెలుచుకోవడంతో ఆ ఫ్రాంఛైజ్ అభిమానులు ఎంతో ఆనందపడుతూ ఉన్నారు.