షాక్ లో విరాట్ కోహ్లీ అభిమానులు.. గిల్ విశ్వరూపం

భారత జట్టులో ఫిట్నెస్ అంటే విరాట్ కోహ్లీ.. అతడిని యోయో టెస్ట్ లలో బీట్ చేసే వాళ్లు చాలా అరుదుగా ఉంటారని అంటుంటారు. తాజాగా విరాట్ కోహ్లీకి, అతడి అభిమానులకు యంగ్ ఓపెనర్ శుభమాన్ గిల్ షాక్ ఇచ్చాడు. ఆసియా కప్ టోర్నీ కోసం సిద్దమవుతున్న ఆటగాళ్లు ఇటీవల యోయో టెస్టుకు హాజరైన విషయం తెలిసిందే. ఈ టెస్టులో 17.2 పాయింట్లు స్కోర్ చేసినట్లు కోహ్లీ సోషల్ మీడియాలో తన అభిమానులతో పంచుకున్నాడు. యువ ఆటగాడు శుభ్‌మాన్ గిల్ 18.7 పాయింట్లు స్కోర్ చేసి మిగతా ఆటగాళ్లకంటే ముందు నిలిచాడు. ఈ ఫిట్ నెస్ పరీక్షకు హాజరైన ఆటగాళ్లందరూ కటాఫ్ పాయింట్లు 16.5 దాటారని అధికారులు తెలిపారు.