INDvsSA: టెన్షన్ పెట్టినా.. గెలిచేశాం!!

సెంచూరియన్ వేదికగా దక్షిణాఫ్రికాతో జరిగిన మూడో టీ20లో భారత్ విజయాన్ని అందుకుంది. టీమిండియా నిర్దేశించిన 220 పరుగుల భారీ లక్ష్యాన్ని ఆతిథ్య సఫారీ జట్టు ఛేదించలేకపోయింది. నిర్ణీత 20 ఓవర్లలో 7 వికెట్లు కోల్పోయి 208 పరుగులకే పరిమితమైంది. దీంతో 11 పరుగుల తేడాతో భారత్ విజయాన్ని అందుకుంది. లక్ష్య ఛేదనలో దక్షిణాఫ్రికా స్టార్ బ్యాటర్లు హెన్రిచ్ క్లాసెన్ 41 పరుగులు, మార్కో యన్‌సెన్ 54 రన్స్ తో రాణించారు. దక్షిణాఫ్రికా బ్యాటర్లలో ఐడెన్ మార్క్రమ్ 29, ర్యాన్ రికెల్టన్ 20, రీజా హెండ్రిక్స్ 21, ట్రిస్టన్ స్టబ్స్ 12, డేవిడ్ మిల్లర్ 18, గెరాల్డ్ కోయెట్జీ 2(నాటౌట్), సిమలానీ 5 (నాటౌట్) పరుగులు చేశారు. భారత బౌలర్లలో అర్షదీప్ సింగ్ మూడు కీలకమైన వికెట్లు తీశాడు. వరుణ్ చక్రవర్తి 2, హార్దిక్ పాండ్యా, అక్షర్ పటేల్ చెరో వికెట్ తీసి భారత్ కు విజయాన్ని అందించారు.