IPL 2025 : పంజాబ్ కింగ్స్ ను పడుకోబెట్టేసిన హైదరాబాద్ సన్ రైజర్స్

ఈ సీజన్ లో పంజాబ్ కింగ్స్ కు ఎదురులేదన్న పేరుంది. మంచిజట్టుగా పేరుంది. అయితే సన్ రైజర్స్ కు తొలుత బ్యాటింగ్ ఇస్తే విధ్వంసం సృష్టిస్తారనేమో.. టాస్ గెలిచిన పంజాబ్ కింగ్స్ తొలుత తానే బ్యాటింగ్ ను ఎంచుకుంది. అనుకున్నట్లుగానే పంజాబ్ కింగ్స్ మంచి ప్రతిభనే చూపింది. ఓపెనర్లుగా దిగినా ప్రియాంశ్, పభ్ సిమ్రాన్ లు వీరబాదుడు బాదారు. దాదాపు ఓవర్ కు 16 రన్ రేటు తెచ్చారు. ప్రియాంశ్ 36 పరుగుల వద్ద హర్హిత్ పటేల్ బౌలింగ్ లో అవుటయ్యాడు. ప్రభ్ సిమ్రాన్ 42 పరుగులు చేసి మలింగ చేతికి చిక్కారు. హెడ్ 82 పరుగులు చేసి విధ్వంసం సృష్టించాడు. ఇక స్టయినిస్ 34 పరుగులు చేసి జట్టుకు మంచి స్కోరు అందించాడు. పంజాబ్ కింగ్స్ మొత్తం ఇరవై ఓవర్లలో ఆరు వికెట్లు కోల్పోయి 245 పరుగులు చేయగలిగింది.

ఇక ఛేదనలో ఎప్పటిలాగానే ఈ సీజన్ లో తడబడతారని సన్ రైజర్స్ ఫ్యాన్స్ భావించారు. కానీ హెడ్ ఓపెనర్ గా దిగి కుదురుకుని 66 పరుగులు చేశాడు. ఇక మరో ఓపెనర్ అభిషేక్ శర్మ అయితే బంతిని గాలిలోనే ఉంచాడు. అభిషేక్ శర్మ 141 పరుగులు చేసి ఐపీఎల్ లోనే అత్యధిక పరుగులు సాధించిన ఆటగాడిగా రికార్డుకు ఎక్కాడు. క్లాసెన్, ఇషాన్ కిషన్ లు మిగిలిన రన్స్ లను పూర్తి చేయగలిగారు. అభిషేక్ శర్మ ఆడుతుంటే స్టేడియం మొత్తం ఊగిపోయింది. చాలా రోజుల తర్వాత విజయానికి చేరువకు రావడంతో సన్ రైజర్స్ అభిమానులు ఇక ఆగలేదు. స్టేడియం దద్దరిల్లిపోయింది. దీంతో 18.3 ఓవర్లలోనే సన్ రైజర్స్ హైదరాబాద్ టీం రెండు వికెట్లు కోల్పోయి 247 పరుగులు చేసి విజయాన్నిసొంతం చేసుకుంది.