షాకింగ్.. హార్దిక్ పాండ్యా దూరమేనా?

ప్రపంచకప్ 2023లో భాగంగా భారత జట్టు న్యూజిలాండ్ తో తలపడనుంది. ఆదివారం ధర్మశాల వేదికగా ఈ మ్యాచ్ జరగనుంది. న్యూజిలాండ్, భారత్ ఇప్పటి వరకు ఆడిన అన్ని మ్యాచుల్లోనూ విజయాలు సాధించాయి. ఈ మ్యాచ్ కు ముందు భారతజట్టుకు షాకింగ్ న్యూస్ అందింది. టీమిండియాలో కీలక ఆటగాడు, ఆల్ రౌండర్ హార్థిక్ పాండ్యా ఈ మ్యాచ్ కు దూరం కానున్నాడని తెలుస్తోంది. దీనిపై అధికారిక ప్రకటన రావాల్సి ఉంది. బంగ్లాదేశ్ తో మ్యాచ్ లో భాగంగా పాండ్యా, తన బౌలింగ్ లో బంతిని ఎడమ కాలుతో ఆపే ప్రయత్నంలో చీలమండకు గాయమైంది. పాండ్యా మొదటి ఓవర్ వేస్తున్నప్పుడే ఇది చోటు చేసుకుంది. సపోర్ట్ స్టాఫ్ సాయంతో పాండ్యా మైదానాన్ని వీడాడు. స్కానింగ్ చేయగా, చీలమండ గాయం బయటపడింది.