రోహిత్ శర్మ ఫిట్నెస్ పై కోచ్ కీలక కామెంట్లు

రోహిత్ శర్మ ఫిట్ ప్లేయర్. మంచి ఫిట్‌నెస్‌తో ఉంటాడని.. అతను కొంచెం బొద్దుగా కనిపిస్తాడు కానీ ఎప్పుడూ యో-యో పరీక్షలో ఉత్తీర్ణత సాధిస్తాడన్నారు అంకిత్. మైదానంలో రోహిత్ చురుకుదనం అద్భుతంగా ఉంటుంది. ఫిట్‌గా ఉండే క్రికెటర్ల జాబితాలో రోహిత్ కూడా ఉంటాడని అంకిత్ కాలియార్ తెలిపాడు. ఫిట్‌నెస్ విషయంలో విరాట్ కోహ్లీ ఒక మంచి ఉదాహరణ. అతను జట్టులో ఫిట్‌నెస్ సంస్కృతిని సృష్టించాడు. మీ టాప్ ప్లేయర్ చాలా ఫిట్‌గా ఉన్నప్పుడు, ఇతరులకు ఆదర్శంగా మారతారు. అతను ఇతరుల్లో విశ్వాసాన్ని నింపుతాడన్నారు. కెప్టెన్‌గా ఉన్నప్పుడు అందరూ ఫిట్‌గా ఉండేలా చూసుకున్నాడు. జట్టులో ఫిట్‌నెస్ అతని ప్రధాన పారామీటర్. ఆ సంస్కృతిని, క్రమశిక్షణను జట్టులో సృష్టించాడని చెప్పుకొచ్చారు అంకిత్ కాలియర్. యువ బ్యాటర్ శుభ్‌మన్ గిల్ విరాట్ కోహ్లీ బాటలో నడుస్తున్నాడని తెలిపారు.