పాక్ ను ఓటమి పాలు చేసిన 'అంపైర్ కాల్'

పాకిస్థాన్ సీనియర్ పేసర్ హరీష్ రౌఫ్ వేసిన 46వ ఓవర్ చివరి బంతి దక్షిణాఫ్రికా స్పిన్నర్ తబ్రైజ్ షంసీ పాడ్స్ తాకింది. పాక్ ఆటగాళ్లు అప్పీల్ చేయగా.. అంపైర్ నాటౌట్ ఇచ్చాడు. వెంటనే కెప్టెన్ బాబర్ ఆజామ్ రివ్యూ తీసుకున్నాడు. రిప్లే పరిశీలించిన థర్డ్ అంపైర్.. అంపైర్స్ కాల్‌గా ప్రకటించాడు. బాల్ ట్రాకింగ్‌లో బంతి లెగ్ స్టంప్‌ను లైట్‌గా తాకడంతో థర్డ్ అంపైర్ ఫీల్డ్ అంపైర్ నిర్ణయం కారణంగా నాటౌట్ ఇచ్చాడు. దాంతో షంసీ అవుట్ కాకపోవడం.. ఆ తర్వాత మహరాజ్ ఆ జట్టుకు విజయాన్ని అందించాడు. బాల్ ట్రాకింగ్‌లో 50 శాతం కంటే తక్కువ లెగ్ లేదా ఆఫ్ స్టంప్‌ను బంతిని తాకితే అంపైర్స్ కాల్‌గా పరిగణిస్తారు. ఫీల్డ్ అంపైర్ ఇచ్చిన నిర్ణయమే ఫైనల్. ఒకవేళ ఫీల్డ్ అంపైర్ ఔట్ ఇచ్చి ఉంటే.. తబ్రైజ్ షంసీ అవుట్ అయ్యేవాడు. దాంతో ప్రొటీస్ జట్టు 263 పరుగులకే ఆలౌటయ్యేది. అప్పుడు పాక్ 7 పరుగుల తేడాతో విజయం సాధించి ఉండేది. కానీ ఇక్కడ అలా జరగకపోవడంతో పాక్ జట్టు ఓటమిని మూటగట్టుకుంది.