రోడ్డు పక్కన హోటల్.. అందులో మాస్టర్ బ్లాస్టర్ సచిన్ టెండూల్కర్

వైజు నిట్టూర్కర్‌ మీడియాతో మాట్లాడుతూ, రెండు కార్లు తన క్యాంటీన్ ముందు ఆగిపోయాయని.. అంగరక్షకులు తన వద్దకు వచ్చారని నిట్టూర్కర్ గుర్తు చేసుకున్నారు. వారు క్యాంటీన్ నుండి టీ కప్పులు తీసుకుని, కారులోనే ఉన్న టెండూల్కర్, అతని కుటుంబ సభ్యులకు అందించారు. "ఆ కారులో టెండూల్కర్ అతని కుటుంబం ఉన్నారని అప్పటి వరకు నాకు తెలియదు. టెండూల్కర్ స్వయంగా కారు దిగి, టీ రుచిని మెచ్చుకోవడానికి నన్ను కలిశారు"అని అతను చెప్పాడు. బిల్లు రూ.175 కాగా రూ.200 నోటును నిట్టూర్కర్‌కు చెల్లించాడు. 25 రూపాయలు తిరిగి ఇస్తుండగా, అదే 200 రూపాయల నోటుపై టెండూల్కర్ ఆటోగ్రాఫ్ అడిగాడు నిట్టూర్కర్. టెండూల్కర్ నవ్వుతూ తన ఆటోగ్రాఫ్ ఇచ్చాడు. అనంతరం నిట్టూర్కర్ సెల్ఫీ కోసం క్రికెటర్‌ను అభ్యర్థించాడు. టెండూల్కర్ వెంటనే అంగీకరించాడు. అతనితో కొద్దిసేపు మాట్లాడాడు.