మాథ్యూస్ ను టైమ్ అవుట్ చేసిన పాపం ఊరికే పోతుందా?

వన్డే వరల్డ్ కప్ లో శ్రీలంక సీనియర్ ఆల్ రౌండర్ ఏంజెలో మాథ్యూస్ ఊహించని రీతిలో టైం అవుట్ అవ్వడంపై చర్చ జరిగిన సంగతి తెలిసిందే..! తాజాగా బంగ్లాదేశ్ సీనియర్ ఆటగాడు ముష్ఫికర్ రహీమ్ అవుట్ అయిన విధానం గురించి ఇప్పుడు క్రికెట్ అభిమానులు చర్చించుకుంటూ ఉన్నారు. ఢాకా వేదికగా న్యూజిలాండ్‌, బంగ్లాదేశ్ మధ్య రెండో టెస్టు మ్యాచ్ మొదటి రోజు 41 ఓవర్లో ముష్ఫికర్ రహీమ్ అనూహ్యంగా ఔటయ్యాడు. జేమిసన్ వేసిన ఈ ఓవర్ నాలుగో బంతి ఇన్ స్వింగ్ తిరిగింది. రహీం ఈ డెలివరీని సమర్ధవంతంగా డిఫెన్స్ చేసాడు. ఈ దశలో బంతి ఒక స్టెప్ పడగా రహీం వికెట్ల వైపు వెళ్తుందని భావించి చేత్తో బంతిని టచ్ చేసాడు. దీంతో వెంటనే న్యూజిలాండ్ ప్లేయర్లు అప్పీల్ చేయగా అంపైర్ అవుట్ గా ప్రకటించాడు.