ఎమ్మెల్యేలు గెలిపిప్తేనే ప్రభుత్వం ఏర్పడుతుంది : కేసీఆర్

మళ్లీ బీఆర్ఎస్ అధికారంలోకి వస్తేనే అన్ని సంక్షేమ పథకాలు అమలవుతాయని బీఆర్ఎస్ అధినేత కేసీఆర్ అన్నారు. కోరుట్లలో జరిగిన ప్రజా ఆశీర్వాద సభలో ఆయన ప్రసంగించారు. ప్రజస్వామ్య పరిణితి కాంక్షిస్తూ ముందుకు పోవాలని అన్నారు. ఓటును తమాషాగా తీసుకుంటే జీవితమే తలకిందులవుతుందని అన్నారు. ఎమ్మెల్యేలను ఎన్నుకునేటప్పుడు ఆలోచించి ఓటు వేయాలన్నారు. ఆ ఎమ్మెల్యే వెనక ఏ పార్టీ ఉందో చూసి మరీ ఓటు వేయాలని కేసీఆర్ అన్నారు. ఉమ్మడి ఆంధ్రప్రదేశ్ లో తెలంగాణలో అనుభవించిన కష్టాలన్నీ ఒక్కొక్కటీ తొలగిపోతున్నాయని చెప్పారు. అనేక సంక్షేమ పథకాలను అమలు చేస్తున్నామని తెలిపారు. పింఛన్లను రెండు వందల నుంచి రెండు వేల రూపాయలకు తీసుకుపోయిన ఘనత బీఆర్ఎస్ ప్రభుత్వానిదేనని ఆయన తెలిపారు.