Congress : మౌత్ టాక్ మాత్రం అదుర్స్... ఎలక్షనీరింగ్ పైనే అనుమానాలు

తెలంగాణ ఎన్నికల్లో ఈసారి గెలుపుపై కాంగ్రెస్ ఎన్నో ఆశలు పెట్టుకుంది. పదేళ్ల తర్వాత చేతికి అధికారం వస్తుందన్న నమ్మకంతో ఉంది. జనంలో మార్పు వచ్చిందని భావిస్తుంది. దేశ వ్యాప్తంగా కాంగ్రెస్ కు అనుకూల పవనాలు వీయడంతో పాటు ఇక్కడ పదేళ్లుగా ఉన్న ప్రభుత్వంపై ఉన్న వ్యతిరేకత తమకు కలసి వస్తుందని విశ్వాసంతో ఉంది. అందుకే టిక్కెట్ల కేటాయింపుల నుంచి ప్రచారం వరకూ ఒక పద్ధతి ప్రకారం చేసుకుంటూ వెళుతుంది. గతం కంటే మెరుగ్గా కాంగ్రెస్ పరిస్థితి ఉందన్న సర్వేలు, అధికారానికి వస్తుందన్న నివేదికలు హస్తం పార్టీ నేతల్లో ఉత్సాహాన్ని నింపుతున్నాయి. అందరూ ఈసారి ఐక్యంగా కలసి ఎన్నికలు ఎదుర్కొంటుండటం సానుకూల పరిణామంగానే చూడాలి. కర్ణాటక తరహా గేమ్ ప్లాన్ ఇక్కడ కూడా అమలు పర్చడం కొంత కాంగ్రెస్ ను పుంజుకునేలా చేసింది.