KCR : హక్కుల కోసమే బీఆర్ఎస్ పుట్టింది..అందుకే మరోసారి గెలిపించండి

తెలంగాణ హక్కుల కోసమే బీఆర్ఎస్ పుట్టిందని ఆ పార్టీ అధినేత కేసీఆర్ అన్నారు. ఇబ్రహీంపట్నంలో జరిగిన ప్రజాఆశీర్వాద సభలో ఆయన ప్రసంగించారు. ఎన్నికల్లో నేతలు కాదు ప్రజలు గెలవాలని ఆయన ఆకాంక్షించారు. అన్ని రంగాల్లో తెలంగాణను నెంబర్ వన్ గా నిలిపామన్నారు. జిల్లాకు ఒక మెడికల్ కళాశాల తీసుకు వచ్చామన్నారు. రెసిడెన్షియల్ కళాశాలలను ఏర్పాటు చేసుకున్నామని తెలిపారు. ఒక రాష్ట్రమైనా, దేశమైనా బాగుపడిందా? చెడిందా? అని చూడటానికి గీటురాయి ఉంటుందన్నారు. తలసరి ఆదాయం, తలసరి విద్యుత్తు వినియోగం ఎంత అనేది చూస్తారన్నారు. ఇప్పుడు ఈ రెండింటిలో తెలంగాణ నెంబరు వన్ గా ఉందని ఆయన తెలిపారు.