Priyanka Gandhi : ఒక్కసారి వచ్చిపోమ్మా.. తమ నియోజకవర్గాలకు రావాలంటూ వినతులు

ప్రియాంక గాంధీ అచ్చం ఇందిరాగాంధీని పోలి ఉంటుంది. ఆమెను చూసిన వాళ్లు ఎవరైనా అనుకునే తొలి మాట అదే. ఇందిరాగాంధీ ఈ తరానికి తెలయకపోవచ్చు. కానీ ఇందిర సాహసం.. ఎన్నికల ప్రసంగాలు విన్నవారికి ఆమె అంటే ప్రత్యేక అభిమానం. ప్రత్యేకంగా పేదలు "అమ్మ"గా పిలుచుకున్న తొలి నేత ఇందిరాగాంధీ. ఇందిర హఠాన్మరణంతో వారి కుమారుడు రాజీవ్ గాంధీ ప్రధాని పదవి చేపట్టినా ఆయన సాంకేతిక పరంగా దేశాన్ని అభివృద్ధి చేశారని, కంప్యూటర్ల యుగం ఆయనతోనే దేశంలో ప్రారంభమయిందనే వాళ్లు లేకపోలేదు. అలాంటి నాయనమ్మ పోలికలున్న ప్రియాంక గాంధీ చాలా ఏళ్లు రాజకీయాలకు దూరంగా ఉన్నారు. పెళ్లి చేసుకుని కుటుంబ బాధ్యతలకే పరిమితమయ్యారు. కాంగ్రెస్ కేంద్రంలో పదేళ్లు అధికారంలో ఉన్నప్పటికీ ఆమె ఎప్పుడూ జోక్యం లేదు.