Telangana Elections : అభ్యర్థుల గుండెల్లో దడ... ఓటింగ్ ఈసారి తగ్గుతుందా? ఎవరికి లాభం?

అయితే ఈసారి పోలింగ్ డే గురువారం వచ్చింది. నవంబరు 30వ తేదీన గురువారం కావడంతోనే ఇప్పుడు అభ్యర్థుల్లో దడ మొదలయింది. గురువారం ప్రభుత్వ, ప్రయివేటు సంస్థలకు సెలవు ప్రకటిస్తారు. తర్వాత శుక్రవారం మినహాయిస్తే శని, ఆదివారాలు సాఫ్ట్‌వేర్ ఉద్యోగులకు సెలవు దినాలు. అంటే ఒకరోజు శుక్రవారం సెలవు పెట్టుకుంటే నాలుగురోజులు వరసగా సెలవు దినాలు లభిస్తాయి. ఇంతకంటే మంచి తరుణం ఏముంటుంది. లాంగ్ వీకెండ్ కావడంతో లాంగ్ టూర్ ప్లాన్ చేసుకునే వీలుంది. సాఫ్ట్‌వేర్ ఉద్యోగులకు మాత్రమే కాదు బ్యాంకు ఉద్యోగులకు కూడా శని, ఆదివారాలు సెలవులు రావడంతో పోలింగ్ శాతం తగ్గుతుందన్న అంచనాలు వినపడుతున్నాయి.

ప్రధానంగా నగరాలు, పట్టణాల్లోనే ఈ సమస్య ఉంది. ముఖ్యంగా హైదరాబాద్ నగరంలో సాఫ్ట్‌వేర్ ఎంప్లాయీస్ ఒకరోజు సెలవు పెట్టుకుంటే నాలుగు రోజుల పాటు సెలవులు రావడంతో ఇక ఆగే అవకాశమే ఉండదు. పని వత్తిడిలో ఉండే వారు ఓటును వినియోంచుకుందామని భావించే కంటే తమ పర్సనల్ లైఫ్ కే ఎక్కువ విలువ ఇస్తారు. అందుకే ఈసారి హైదరాబాద్ నగరంలో పోలింగ్ శాతం తగ్గే అవకాశముందన్న అంచనాలు వినపడుతున్నాయి. ఓటు మన హక్కు. ఐదేళ్లకు ఒకసారి వినియోగించుకునే ఓటుతోనే అభివృద్ధి సాధ్యమవుతుందని భావించాలి. సమస్యలను పరిష్కరించుకోవడానికి ఓటు ఒక్కటే మార్గం.

ఇప్పటికే అన్ని రకాలుగా ఎన్నికల కమిషన్ పోలింగ్ శాతం పెంచేందుకు కృషి చేస్తుంది. ఎక్కవ శాతం పోలయ్యేలా ప్రకటనల రూపంలో ప్రజలకు అవగాహన కల్పిస్తూ అనేక చర్యలు చేపట్టింది. అయినా ఒకరోజు సెలవు పెడితే నాలుగు రోజులు వరస సెలవులు రావడంతోనే అభ్యర్థులు బెంబేలెత్తిపోతున్నారు. తమకు పడాల్సిన ఓటు పడదేమోనన్న ఆందోళన అభ్యర్థుల్లో కనపడుతుంది. అందుకే ఇప్పుడు పోలింగ్ డే నాడు జరిగే శాతంపై అభ్యర్థులు తర్జన భర్జన పడుతున్నారు. గురువారం కాకుండా మంగళ, బుధవారాల్లో పోలింగ్ వస్తే బాగుండేదన్న అభిప్రాయాన్ని కొందరు వ్యక్తం చేస్తున్నారు. ఇంటింటి ప్రచారంలో ఖచ్చితంగా పోలింగ్ కు రావాలని కోరుకుంటున్నారు. మరి చివరకు ఏం జరుగుతుందన్నది చూడాల్సి ఉంది.