Revanth Reddy : మద్యం తాగి మాట్లాడుతున్నారా? మతిలేక మాట్లాడుతున్నారా?

బీఆర్ఎస్ నేతలు ఇళ్లు కట్టించలేదు కానీ, ప్రతి వీధిలో బెల్ట్ షాపులు తెచ్చారని టీపీసీసీ చీఫ్ రేవంత్ రెడ్డి అన్నారు. నారాయణపేట జిల్లా మద్దూరు సభలో ఆయన ప్రసంగించారు. కాంగ్రెస్ అధికారంలోకి రాగానే మద్దూరులో వంద పడకల ఆసుపత్రి, స్టేడియంను కట్టిస్తామని రేవంత్ హామీ ఇచ్చారు. పేదలకు డబుల్ బెడ్ రూం ఇళ్లు ఇవ్వని ప్రభుత్వాన్ని ఆదరిస్తారా? అని ఆయన ప్రశ్నించారు. ఇళ్లు లేని ప్రతి పేదోడికి ఇందిరమ్మ ఇళ్లు కట్టిస్తామని ఆయన ప్రజలకు చెప్పారు. కేసీఆర్ మతిలేక మాట్లాడుతున్నాడో.. మందేసి మాట్లాడుతున్నాడో తెలియదు కానీ రైతులకు ఉచిత విద్యుత్తు ఇచ్చింది కాంగ్రెస్ మాత్రమేనని ఆయన అన్నారు.