గుడ్ న్యూస్ చెప్పిన భట్టి.. వేసవిలో విద్యుత్తు కోతలుండవ్

రాష్ట్రంలో పెరుగుతున్న విద్యుత్తు డిమాండ్ కు అనుగుణంగా సరఫరాకు తగిన చర్యలు తీసుకుంటున్నామని ఉప ముఖ్యమంత్రి మల్లు భట్టి విక్రమార్క తెలిపారు. తమ ప్రభుత్వం అధికారంలోకి వచ్చిన తర్వాత విద్యుత్తు సంస్కరణలను ఎన్నో తెచ్చామని చెప్పిన ఆయన వేసవిలో విద్యుత్తు కోతలు లేకుండా సరఫరా చేస్తామని అసెంబ్లీ సాక్షిగా హామీ ఇచ్చారు. గతం కంటే ప్రస్తుతం డిమాండ్ పెరిగినా అందుకు తగిన విధంగా విద్యుత్తు ఉత్పత్తి సామర్థ్యాన్ని కూడా పెంచుకుంటున్నామని తెలిపారు. పీక్ అవర్స్ లో జల విద్యుత్తు ద్వారా విద్యుత్తును రివర్స్ పంపింగ్ చేస్తూ సరఫరా చేస్తున్నామని భట్టి విక్రమార్క తెలిపారు.