టీకా వికటించి సౌదీలో యువకుడి నరకయాతన

టీకా వేయించుకుని సౌదీకి వెళ్లిన యవకుడు ఒకరికి వైద్యం వికటించి అనారోగ్యంతో ఇబ్బంది పడుతున్నారు. తనను కాపాడాలంటూ వేడుకుంటున్నారు. ఈ మేరకు బాధితుడి తల్లి విదేశాంగ అధికారి పీఓఈకి ఫిర్యాదు చేయడంతో ఈ విషయం వెలుగులోకి వచ్చింది.గల్ఫ్ కు వెళ్లే క్రమంలో హైదరాబాద్ లోని ఒక 'గల్ఫ్ మెడికల్ సెంటర్' లో వైద్య పరీక్షలతో పాటు, టీకా ఇంజక్షన్ వేయించుకుని 'ఫిట్‌నెస్ సర్టిఫికెట్ తో సౌదీకి వెళ్లినజగిత్యాల జిల్లా కోరుట్ల మండలం సంగెమ్ గ్రామానికి చెందిన పోతుగంటి చంద్రశేఖర్ టీకా వికటించి అనారోగ్యం పాలయ్యాడు. అతను సౌదీలో ఉద్యోగం చేస్తూ అనారోగ్యం పాలవడంతో భారత్ కు రపించాలని అతని తల్లి లక్ష్మి గురువారం హైదరాబాద్ విదేశాంగ శాఖ ప్రొటెక్టర్ ఆఫ్ ఎమిగ్రంట్స్ కార్యాలయంలో ఫిర్యాదు చేశారు.