కల్తీ పాల దందాకు తెరలేపిన ముఠా అరెస్ట్

ఈ క్రమంలోనే కర్నూల్ నుండి శంషాబాద్ మీద గా నాగపూర్ వెళ్తున్న పాల ట్యాంకర్ నుండి పాలను తీసి అందులో నీళ్లు పోస్తున్నారు. తొమ్మిది వేల లీటర్ల పాలలోడుతో వెళ్తున్న పాల ట్యాంకర్ నుంచి నలుగురు నిందితులు 3000 లీటర్ల పాలను బయటకు తీసి అనంతరం పాల ట్యాంకర్ లో ఉన్న పాలల్లో నీళ్లు కలిపి కల్తీ చేస్తున్నారు. ఈ ముఠా 40 లీటర్లు కలిగిన 83 పాల టిన్నులను తీసుకువచ్చి పాలను ఈ విధంగా దొంగలిస్తున్నారు. శంషాబాద్ పోలీసులకు విశ్వసనీయమైన సమాచారం రావడంతో ఆ ముఠాపై నిఘా పెట్టారు. ఈ నేపథ్యంలోనే శంషాబాద్ పోలీసులు శేఖర్ నియమించిన ముగ్గురు ఆటో డ్రైవర్లు చండీలాల్, చేతన్, సచిన్ తో పాటు వీరికి సహకరించిన పాల ట్యాంకర్ డ్రైవర్ వెంకన్నను సైతం పోలీసులు అరెస్టు చేశారు. ఈ కేసులో అసలైన ప్రధాన సూత్రధారి అయిన శేఖర్ పరారీలో ఉన్నాడు. అరెస్టు చేసిన వారి వద్ద నుండి 3000 లీటర్ల పాలతో పాటు, టిన్నులను, పాల టాంకర్ ను స్వాధీనం చేసుకున్నారు. నిందితులను అరెస్టు చేసి రిమాండ్ కు తరలించారు.