అమిత్ షా పర్యటన.. వాళ్లకు మరోసారి బ్యాడ్ న్యూస్

జూన్ నెల 15న ఖమ్మంలో బీజేపీ సభ జరగాల్సి ఉంది. ఆ సభకు అమిత్‌ షా హాజరుకావాల్సి ఉంది. అప్పట్లో బిపర్‌జాయ్‌ తుఫాన్‌ కారణంగా షా పర్యటన రద్దయింది. ఇప్పుడు మరోసారి వర్షాల వల్ల ఖమ్మం రద్దు అయింది. ఖమ్మం జిల్లాలో భారతీయ జనతా పార్టీ సత్తా చాటాలని ఎన్నో రోజులుగా అనుకుంటూ ఉంది. అమిత్ షా పర్యటనలో పలువురు నేతలను కూడా పార్టీలోకి ఆహ్వానించాలని భావించారు బీజేపీ నాయకులు. కానీ వాతావరణం కారణంగా వారికి మరోసారి బ్యాడ్ న్యూస్ వినిపించింది.

అమిత్ షా జులై 29న హైదరాబాద్ రానున్నారు. పార్టీలోని వివిధ విభాగాల నేతలతో ఆయన సమావేశం కానున్నారు. సంస్థాగత అంశాలపై సమీక్షించనున్నారు. కిషన్ రెడ్డి బీజేపీ తెలంగాణ రాష్ట్ర అధ్యక్షుడిగా బాధ్యతలు చేపట్టిన తర్వాత అమిత్ షా మొదటిసారి తెలంగాణకు వస్తున్నారు. ఈ ఏడాది చివరలో తెలంగాణ అసెంబ్లీ ఎన్నికలు ఉండడంతో బీజేపీ ఎన్నికలపై దృష్టి పెట్టింది.