అమిత్ షా ను అడ్డుకుంటున్న వరుణుడు

కేంద్ర హోం మంత్రి అమిత్‌షా హైదరాబాద్‌ పర్యటన రద్దయింది. షెడ్యూల్‌ ప్రకారం శనివారం హైదరాబాద్‌కు చేరుకుని జెఎస్ఆర్‌ కన్వెన్షన్‌ సెంటర్‌లో వివిధ రంగాల ప్రముఖులతో సమావేశం కావాల్సి ఉంది. అనివార్య కారణాలతో ఈ పర్యటన రద్దయినట్లు బీజేపీ రాష్ట్ర అధికార ప్రతినిధి ఎన్‌వీ సుభాష్ తెలిపారు. అమిత్ షా ఈ నెల 29 న మధ్యాహ్నం ప్రత్యేక విమానంలో బేగంపేట ఎయిర్ పోర్టుకు చేరుకుంటారని మొదట చెప్పారు. అక్కడి నుంచి సాయంత్రం 4 గంటలకు ఫిలింనగర్ విస్పర్ వ్యాలీలోని జేఆర్‌‌‌‌సీ కన్వెన్షన్ లో “ప్రజాస్వామ్య తెలంగాణ కోసం సామాజిక వర్గాల సమావేశం” పేరుతో వివిధ సామాజిక వర్గాలకు చెందిన మేధావులు, ఆయా వర్గాల ప్రతినిధులతో సమావేశమవుతారని అన్నారు. అయితే అనుకోని కారణాల వలన ఈ పర్యటన రద్దైందని బీజేపీ నేతలు తెలిపారు.