మాజీ ఎంపీకి చేదు అనుభవం

నర్సయ్యను గ్రామస్తులు అడ్డుకోవడంతో బిజెపి కార్యకర్తలు ఆగ్రహం వ్యక్తం చేశారు. దీంతో బిజెపి, బీఆర్ఎస్ కార్యకర్తల మధ్య వాగ్వివాదం చెలరేగింది. దీంతో ఒకరిపై ఒకరు మాటల యుద్ధం చేసుకున్నారు ఈ క్రమంలో ఇరుపార్టీల వర్గాల మధ్య తోపులాట జరిగింది. బీఆర్ఎస్ ప్రభుత్వంలో ఎంపీగా ఉన్న సమయంలో ఏమాత్రం పట్టించుకోని నర్సయ్య ఇప్పుడు బిజెపి పార్టీలో చేరి బీఆర్ఎస్ ప్రభుత్వాన్ని విమర్శించడం ఏంటి అని గ్రామస్తులు ప్రశ్నించారు. గ్రామంలోకి రాకుండా మీరు ఎలా అడ్డుకుంటారు అంటూ గ్రామస్తులపై బిజెపి కార్యకర్తలు ఆగ్రహించారు. గ్రామస్తులకు, బిజెపి, బీఆర్ఎస్ కార్యకర్తల మధ్య వాగ్వివాదం చెలరేగింది. దీంతో అక్కడ ఉద్రిక్త పరిస్థితి నెలకొనడంతో పోలీసులు జోక్యం చేసుకొని గ్రామస్తులకు నచ్చజెప్పి పరిస్థితిని చక్కబెట్టారు.