కేసీఆర్ కుటుంబం నుంచి తెలంగాణకు విముక్తి కల్పిస్తాం

అసోం ముఖ్యమంత్రికే భద్రత కల్పించలేని దుస్థితి ఏర్పడిందని బండి సంజయ్ మండి పడ్డారు. ధర్మ, సమాజం కోసం బీజేపీ ఎప్పుడూ పోరాడుతుందని ఆయన అన్నారు. ఎంఐఎం నేతలపై బండి సంజయ్ విరుచుకుపడ్డారు. దారుసలాం తర్వాత ముఖ్యమంత్రి కేసీఆర్ సెప్టంబరు 17నుంచి జాతీయ సమైక్యత దినోత్సవాన్ని జరుపుతామని అన్నారన్నారు. నాటి నిజాం వారసులే నేటి ఎంఐఎం నేతలని బండి సంజయ్ ఘాటు విమర్శలు చేశారు. ఢిల్లీ లిక్కర్ కేసులో కేసీఆర్ కుటుంబ సభ్యులు ఉన్నారని ఆయన అన్నారు. మునుగోడులో విజయం తమదేనని, ఆర్ఆర్ఆర్ కు తోడు మరో ఆర్ ను జోడిస్తామని చెప్పారు. వ్యవసాయ మోటార్లకు మీటర్లు బిగిస్తామని కేంద్ర ప్రభుత్వం చెప్పిందని నిరూపిస్తే తాను రాజీనామా చేస్తానని అన్నారు.