KCR : కేసీఆర్ లో మార్పు లేదా? అధికారం కోల్పోయినా ఆయన తీరు మారదా?

బీఆర్ఎస్ అధినేత కేసీఆర్ లో అధికారంలో ఉన్నా లేకపోయినా.. ఒకటే తీరు. దొరగారి దర్పం. ఆయన బయటకు రారు. ప్రజలు ఎన్ని కష్టాల్లో ఉన్నా ఆయను మాత్రం పట్టదు. కేసీఆర్ మాత్రం ఫాం హౌస్ లో సేద తీరాల్సిందే. జనంలో కలిసేందుకే గులాబీ దళపతి ఎక్కువగా ఇష్పపడరు. దానికి కారణాలు ఏవైనా ఆయన గత శాసనసభ, ఇటు పార్లమెంటు ఎన్నికల్లో ప్రజలు దారుణమైన తీర్పు చెప్పినా ఇంకా మార్పు రాలేదు. ఎన్నికల సమయంలో వచ్చి నాలుగు డైలాగులు కొట్టి వెళ్లిపోతే ఓట్లు రాలతాయోమోనన్న ఇంకా పాతకాలం నాటి వ్యూహాలను కేసీఆర్ అనుసరిస్తున్నారనడంలో ఎలాంటి సందేహం లేదు. ఎందుకంటే దాదాపు రెండు నెలల నుంచి ఆయన పత్తా లేకుండా పోయారు. ఈ నెల వినాయక చవితి అంటే 11 తర్వాత జనంలోకి వస్తానని చెప్పిన కేసీఆర్ రాకుండా ఫామ్ హౌస్ కే పరిమితమయ్యారు.