KCR : సుప్రీంకోర్టులో కేసీఆర్ కొంత ఊరట దక్కిందిగా

విచారణ పూర్తికాకముందే మీడియా సమావేశం పెడితే అసలు విచారణ ఎలా సాగుతుందని సీజేఐ ప్రశ్నించారు. ఛత్తీస్‌గఢ్ తో విద్యుత్తు కొనుగోలుతో పాటు, యాదాద్రి, భద్రాద్రి ధర్మల్ విద్యుత్తు నిర్మాణంలో అవకతవకలకు జరిగాయని కాంగ్రెస్ ప్రభుత్వం జస్టిస్ ఎల్ నరసింహారెడ్డి కమిషన్ ను నియమించిన సంగతి తెలిసిందే. కమిషన్ ఈ మేరకు విచారణను ప్రారంభించింది. జూన్ 11వ తేదీన కమిషన్ ఛైర్మన్ ప్రెస్ మీట్ పెట్టడాన్ని తప్పు పట్టింది. జస్టిస్ ఎల్ నరసింహారెడ్డి స్థానంలో కొత్త వారిని నియమించాలని కోరింది. విచారణను కొనసాగించడంలో మాత్రం అభ్యంతరం లేదని సుప్రీంకోర్టు తెలిపింది. మధ్యాహ్నం రెండు గంటల తర్వాత విచారణ కమిషన్ ఛైర్మన్ పేరును చెబుతామని ప్రభుత్వం తరుపున న్యాయవాది స్పష్టం చేశారు. విచారణను మధ్యాహ్నానికి వాయిదా వేసింది.