Padi Kaushik Reddy: పోలీసుల అదుపులో అరికెపూడి గాంధీ.. కౌశిక్ రెడ్డి మరో సవాల్

అరికెపూడి గాంధీ బీఆర్ఎస్‌లోనే కొనసాగుతుంటే తెలంగాణ భవన్‌కు రావాలని సవాల్ చేశారు కౌశిక్ రెడ్డి. బీఆర్ఎస్ బీ ఫామ్‌పై గెలిచి కాంగ్రెస్ పార్టీలో ఎలా చేరుతారని ప్రశ్నించారు. అరికెపూడి గాంధీ భవన్‌కు వస్తే, ఇద్దరం కలిసి కేసీఆర్ వద్దకు వెళ్తామని... అలా రాకుంటే మాత్రం కాంగ్రెస్‌లో చేరినందుకు ఎమ్మెల్యే పదవికి రాజీనామా చేయాలని డిమాండ్ చేశారు. ఆయన మాత్రం బీఆర్ఎస్‌లోనే ఉన్నానని చెబుతున్నారని, అందుకే ఆయన ఇంటికి వెళ్తున్నామన్నారు. ఆయనను సాదరంగా కేసీఆర్ ఇంటికి తీసుకువెళ్తామన్నారు. తాను బీఆర్ఎస్‌లో చేరినప్పుడు తనతో పాటు పదిమందిని తీసుకెళ్లినట్లు గాంధీ చెబుతున్నారని, కానీ ఆరోజు కాంగ్రెస్ పార్టీలో ఉన్నది ఐదుగురు ఎమ్మెల్యేలే అని అన్నారు. అరికెపూడి గాంధీకి దమ్ముంటే ఎమ్మెల్యే పదవికి రాజీనామా చేసి, ఉప ఎన్నికలకు రావాలని సవాల్ విసిరారు.