KTR : జన్వాడ ఫాం హౌస్ పార్టీపై కేటీఆర్ ఏమన్నారంటే?

తాము ప్రభుత్వంపై ప్రజల పక్షాన పోరాడుతూనే ఉంటామని చెప్పారు. ధైర్యముంటే శాసనసభ ఏర్పాటు చేసి దీనిపై చర్చించాలని కేటీఆర్ డిమాండ్ చేశారు. అసత్య ప్రచారంతో తమ కుటుంబాన్ని వీధిన పడేయాలని చూడటం కుట్రలో భాగమేనని అన్నారు. వెనక్కు వెళ్లమని, భయపడేది లేదని, కాంగ్రెస్ ప్రభుత్వాన్ని చెండాడుతూనే ఉంటామని కేటీఆర్ తెలిపారు. ప్రభుత్వం తన వరస వైఫల్యాలు కప్పి పుచ్చుకునేందుకు ఇటువంటి చర్యలకు దిగుతుందన్నారు. తాము తండ్రి నేర్పిన బాటలో ఉద్యమిస్తూ రాజకీయాల్లోకి వచ్చినట్లు ఆయన గుర్తు చేశారు. తాము లేవనెత్తే ప్రశ్నలకు ప్రభుత్వం నుంచి సమాధానం రాదని తనకు తెలుసునన్న ఆయన, అక్రమ కేసులను తాము ఎలా ఎదుర్కొనాలో తెలుసునన్నారు.