అనంతగిరి కొండ‌ల్లో రెచ్చిపోయిన 'రేసర్లు'
వికారాబాద్ జిల్లా అనంతగిరి హిల్స్ లో కొందరు యువకులు కార్ రేసింగ్‌లు నిర్వ‌హించి దుమ్ములేపారు.
వికారాబాద్ జిల్లా అనంతగిరి హిల్స్ లో కొందరు యువకులు కార్ రేసింగ్‌లు నిర్వ‌హించి దుమ్ములేపారు. ఇందుకు సంబంధించిన వీడియోలు సోషల్ మీడియ‌లో తెగ వైర‌ల్ అవుతున్నాయి. మంగ‌ళ‌వారం నాడు బారీ ఎత్తున్న అనంతగిరి హిల్స్ చేరుకున్న యువకులు.. కారు సైరన్‌ల మోత‌ల‌తో, స్పోర్ట్స్‌ బైక్స్‌ స్టంట్స్‌తో అలజడి సృష్టించారు. స్థానికులు, అనంతగిరి హిల్స్ చూడ‌డానికి వ‌చ్చే టూరిస్టులు భ‌య‌బ్రాంతుల‌కు గుర‌య్యారు.
స్థానికులు రేసింగ్, స్టంట్స్‌కు సంబంధించిన వీడియో తీసి సోషల్ మీడియాలో అప్లోడ్ చేశారు. కార్ రేసింగ్, బైక్ స్టంట్‌లు జరుగుతున్నాయంటూ పోస్ట్ చేశారు. కార్ రేసింగ్ పై పోలీసులు చర్యలు తీసుకోవాలని విజ్ఞప్తి చేశారు. కార్ల రేసింగ్‌తో పర్యాటకులకు ఇబ్బంది కలుగుతోందని ఆందోళ‌న వ్యక్తం చేశారు.
అయితే ఈ కార్, బైక్ రేసింగ్‌ల‌కు ఎటువంటి అనుమ‌తులు లేవ‌ని తెలుస్తోంది. అనంతగిరి హిల్స్ ప‌ర్యాట‌క ప్రాంతం కావ‌డంతో అధికారులు ప్ర‌త్యేక బృందంతో ఇక్క‌డ గ‌స్తీ ఏర్పాట్లు చేసింది. నిన్న స్వాతంత్ర్య దినోత్స‌వం కావ‌డం.. అధికారులు లేక‌పోవ‌డంతో రేసర్లు రెచ్చిపోయారు.
