Revanth Reddy : తెలంగాణలో నిరుద్యోగులకు గుడ్ న్యూస్ చెప్పిన రేవంత్ రెడ్డి

తెలంగాణలో నిరుద్యోగులకు ముఖ్యమంత్రి రేవంత్ రెడ్డి గుడ్ న్యూస్ చెప్పారు. తొలి ఏడాదిలోనే యాభై వేల ఉద్యోగాలను భర్తీ చేసిందని ముఖ్యమంత్రి రేవంత్ రెడ్డి తెలిపారు. ప్రజాపాలన ఆరోగ్య వారోత్సవాల సందర్భంగా ఆయన మాట్లాడుతూ దేశంలో ఏ రాష్ట్రంలో చేపట్టని నియామకాలు ఈ ఏడాదిలో చేపట్టామని తెలిపారు. గత పదేళ్లలో ఒక్క కుటుంబమే నాలుగు ఉద్యోగాలను సంపాదించుకుందని, నిరుద్యోగులను పక్కనపెట్టిందని రేవంత్ అన్నారు. అలాంటిది గత ఎన్నికల్లో ప్రజలు ఆ నలుగురి ఉద్యోగాలను ఊడగొట్టారన్నారు. గ్రామీణ ప్రాంతం నుంచి వచ్చిన తాను నిరుద్యోగ సమస్యలను తెలుసు కాబట్టి వరసగా నోటిఫికేషన్లను విడుదల చేస్తున్నామని తెలిపారు. ఈరోజు తాను కానీ, తన మంత్రివర్గ సభ్యులు కానీ ఎవరూ తమ కుటుంబ సభ్యులకు ఉద్యోగం ఇప్పించుకోలేదన్నారు.