Pocharam : అందుకే నేను కాంగ్రెస్ పార్టీకి మద్దతిస్తున్నా : పోచారం

ఈ సందర్భంగా పోచారం శ్రీనివాసరెడ్డి మాట్లాడుతూ రేవంత్ రెడ్డి పాలన పట్ల ఆకర్షితుడనై తాను పార్టీలో చేరుతున్నానని తెలిపారు. ఆయన చేపట్టే కార్యక్రమాలకు మద్దతు తెలపాలని నిర్ణయించుకున్నానని చెప్పారు. రైతులకు అండగా నిలిచే ప్రభుత్వం వెంట నడవడం తన ప్రధాన కర్తవ్యమని పోచారం శ్రీనివాసరెడ్డి అన్నారు. తన రాజకీయ ప్రవేశం జరిగింది కాంగ్రెస్ పార్టీలోనేనని, తర్వాత తెలుగుదేశం పార్టీలో సుదీర్ఘకాలం కొనసాగానని, ఆ తర్వాత బీఆర్ఎస్ లో చేరానని పోచారం శ్రీనివాసరెడ్డి తెలిపారు. ప్రభుత్వం చేసే మంచిపనులకు అండగా నిలవాలన్న ఉద్దేశ్యంతోనే ఈనిర్ణయం తీసుకున్నానని ఆయన తెలిపారు.