ప్రధాని నరేంద్ర మోదీకి పుట్టినరోజు శుభాకాంక్షలు చెప్పిన సీఎం కేసీఆర్

కేసీఆర్ శనివారం ప్రధాని నరేంద్ర మోదీకి జన్మదిన శుభాకాంక్షలు తెలిపారు. మోడీకి రాసిన లేఖలో, కేసీఆర్ "ప్రభుత్వం, తెలంగాణ ప్రజల తరపున, నా తరపున మీకు పుట్టినరోజు శుభాకాంక్షలు. భగవంతుడు మీకు మంచి ఆరోగ్యం, దీర్ఘాయువుతో పాటు ఎన్నో సంవత్సరాలు దేశానికి సేవ చేసేలా ఆశీర్వదించాలని భావిస్తున్నాను" అని తెలిపారు. తెలంగాణ ముఖ్యమంత్రి కార్యాలయం ట్విటర్‌లో ఈ లేఖను పంచుకుంది " CM Sri KCR conveyed birthday greetings to Hon'ble Prime Minister Sri @NarendraModi Ji on behalf of Telangana Government, its people and himself. Hon'ble CM wished the Prime Minister good health and long life in the service of nation." అని అందులో ఉంది.

ఆంధ్రప్రదేశ్ ముఖ్యమంత్రి వైఎస్ జగన్ మోహన్ రెడ్డి కూడా ప్రధాని మోదీకి పుట్టినరోజు శుభాకాంక్షలు తెలిపారు. గౌరవనీయులైన ప్రధానికి పుట్టినరోజు శుభాకాంక్షలు అని సీఎం జగన్ ట్వీట్ చేశారు. ప్రధానికి ఆయురారోగ్యాలను భగవంతుడు ఇవ్వాలని ఆకాంక్షిస్తున్నానని అన్నారు.